Llawenydd a Heriau Bod yn Eglwys sy’n Plannu Eglwysi

Ben Midgley

Mae Ebenezer Baptist Church yn eglwys aml-oed, aml-ddiwylliannol (FIEC) yng Ngogledd Ddwyrain Cymru. ‘Dy ni’n agos i’r ffîn, ddim yn bell o Gaer a Wrecsam – a nacydi, tydi Ryan Reynolds ddim yn ein eglwys ni… eto! Dros amser, a gyda chymorth Duw, mae olyniaeth o fugeiliaid efengylaidd ac aelodau ffyddlon wedi adeiladu’r eglwys. Yn y gorffennol, rydyn ni wedi cefnogi eglwysi eraill, dechrau ‘gorsafoedd genhadol’ a chyfrannu at genhadaeth dramor. Yn ddiweddar, mae plannu eglwysi wedi dod yn faich enfawr i ni.

Yn hanesyddol mae amrywiaeth ffyniannus o gapeli ac eglwysi enwadol wedi bod yn ein rhanbarth ni, ond fe ddechreuon nhw leihau a chau wrth i ddiwydiant ddod i ben ac i bobl adael i fyw mewn dinasoedd, ac yn ddiwinyddol fe aeth yr efengyl ar goll mewn pryderon eraill. Daeth y diwygiad yn chwedl. Dros y degawd diwethaf, rydym wedi ceisio plannu tair eglwys.

1. Pantymwyn: Mae’n gwaith plannu cyntaf wedi troi i fod yn braidd annibynnol gyda tua ugain o bobl yn cwrdd yn fisol mewn pentref tu allan i’r dref.

2. Dinbych: Mae’r ail waith plannu wedi cofrestru fel eglwys annibynnol yn ddiweddar. Mae eu bugail cyntaf (ein cynorthwyydd, gynt) yn dechrau fis Tachwedd, wedi deg mlynedd o ymdrech i blannu. Mae tua chwech deg o bobl yn mynychu, a bellach mae henuriaid a diaconiaid ganddynt.

3. Bwcle: Yn anffodus, bu hi’n anodd iawn ar y trydydd eglwys i ni blannu oherwydd COFID-19, felly daeth y gwaith i ben oherwydd sawl rheswm dwi wedi trafod eisioes ar bodlediad i’r FIEC. Fodd bynnag, y newyddion da yw ein bod ni’n cefnogi gwaith eglwys arall yng Nghaer sy’n bwriadu parhau gyda’r gwaith ddechreuom ni. Maent yn anfon Ben Peterson i blannu ym Mwcle flwyddyn nesaf, sy’n cyffroi ni’n fawr.

Beth sy'n nesaf?

‘Dy ni wedi dewis Rhuthun fel lleoliad posib ar gyfer plannu yn y dyfodol. Rydym hefyd yn neilltuo 3% o’n arian i gronfa ar gyfer plannu eglwysi yn y dyfodol, lle bynnag fydd yr angen. Mae un o’n henuriaid a minnau’n ymwneud â ‘Reach North Wales’, sy’n cefnogi plannu eglwysi ar draws y rhanbarth. Rydym yn cyfarfod i weddio gyda arweinwyr eglwysi eraill er mwyn cadw’r genhadaeth yma’n flaenoriaeth, ac i geisio arweiniad Duw.

Rydym yn gweddïo am:

• Plannwyr ac efengylwyr sydd wedi’w donio a’u galw i’r gwaith.
• Aelodau calon-meddal o eglwysi bach sy’n cael trafferth ond fyddai’n agored i drosglwyddo arweiniad draw i waith newydd yn eu cymuned.
• Siaradwyr Cymraeg gyda chalon dros y weinidogaeth.
• Darpariaeth Duw am ddoethineb, adnoddau, a drysau agored. Yn fwy na dim, ni’n ceisio Ei bresenoldeb, ei ras, a'i allu i achub.

Rydyn ni’n credu bod angen i blannu eglwysi yng Nghogledd Cymru fod yn ‘fudiad lleol’. Allith o ddim bod mor syml â mabwysiadu model trefol neu faestrefol o’r tu allan, fel yr Unol Daliaethau. Mae angen i ni adeiladu perthnasoedd, dysgu wrth i ni fynd, a denu pobl at genhadael byw, datblygol.

Mae lot o bethau gwych yn digwydd ar draws Gogledd Cymru. Er, yn naturiol, bydd rhywfaint o gynnig a gwella, ni’n cael ein anog gan y ffordd mae Ysbryd Duw yn symud. Mae pethau yn datblygu ar gyflymder a graddfa mawr i ‘Cant i Gymru, a phethau’n symud yn arafach gyda ni, ond ‘dy ni’n ddiolchgar am y gymdeithas.

Cadwch ni yn eich gweddïau, os gwelwch yn dda, yn enwedig wrth i’n cynorthwyydd Ben Slatter fynd i Ddinbych. Rydyn ni bellach yn chwilio am rywun sydd â gweledigaeth ac egni i'n helpu ni i symud ymlaen yn yr Wyddgrug. Diolch am gofio amdanom ni.

Ben Midgley